Тошкент вилояти Бунёдкор маҳалласида яшовчи фуқаро А.А. оқава сув учун мўлжалланган, чуқурлиги 6 метрдан ортиқ бўлган қудуққа ёғочларни олиб чиқиш учун тушган. Бу ҳақда ФВВ хабар бермоқда.
Қудуқ тубида кислород етарли бўлмаганлиги сабабли, А.А. ва унга ёрдам бериш учун қудуққа тушган фуқаро Б.У.нинг ҳам соғлиғи ёмонлашган. Қудуқдан чиқаётган овозларни эшитган А.А.нинг ўғли қутқарув хизматига қўнғироқ қилган.
Воқеа жойига зудлик билан етиб келган қутқарувчилар қудуқ ичида ҳушини йўқотган икки нафар фуқарони юқорига олиб чиқиб, уларга зарур ёрдам кўрсатган.