Излаш
RUUZ

Жамият

«Шу халқ бўлмаса, унинг «эрка»лигини ким кўтаради» – депутат UzAuto Motors’ни танқид қилди

Депутат UzAuto Motors компанияси тез ёрдам учун мослаштирилган «Дамас» русумли автомобилларини оширилган нархларда сотаётганига ўз эътирозини билдирди.

1138views0replies
0

uzlidep.uz

Олий Мажлис Қонунчилик палатаси депутати Расул Кушербаев Ўзбекистонда давом этаётган пандемия даврида ва карантин даврида қийналган аҳолига енгил бўлиши учун барча қўлидан келгунча дори дармон, тиббий ускуналар олиш учун ўз ёнидан ҳайрия қилаётган ёки беминнат хизмат кўрсатаётган бир вақтда UzAuto Motors компанияси тез ёрдам учун мослаштирилган «Дамас» русумли автомобилларини оширилган нархларда сотаётганига ўз эътирозини билдирди.
Депутат Фарғона вилояти ҳокимлигига компания томонидан сотилган 20та янги «Дамас» русумли автомобилни мисол тариқасида кўрсатиб ўтади. Унинг айтишича, мазкур автомобиллар вилоят ҳокимлиги томонидан аҳоли учун 75 млн. сўм атрофида сотиб олинган ва «тез ёрдам»га  топширилган. 
«Шу UzAuto Motors’га ҳам ҳайронсан. Россиянинг Уфасида автомобиллари очиқда қолиб чириб ётса ҳам ўз халқи учун жилла қурса «Дамас»ларидан бепул ёки имтиёзлар билан бериш қийинми?
«24 йил давомида халқимиз билан биргамиз», деб кўкрагини кераётган бу монопол ҳеч бўлмаса, шу оғир кунларда, ҳақиқатан, халқи билан бирга эканлигини исботласа бўларди. 
Ахир шунча йил шу халқ ҳисобидан ялло қилиб яшади, эртага шу халқ бўлмаса уни «эрка»лигини ким кўтаради, «дефект»лар билан чиқаётган, отни калласидек қиммат машиналарини ким олади, албатта шу халқ олади. Пулини тўлаб, ойлаб кутадиган Россия, Қозоғистон, Украина халқи эмас, шу халқ олади, шу халқ минади. Шу касал бўлаётган одамлар бўлмаса, ҳеч кимсан «монопол дўстим!», - дейди депутат ўзининг Telegram’даги каналида.
1138views0replies
0

Изоҳлар