Ўзгидромет хабарига кўра, дам олиш кунлари бутун мамлакат ҳудудига Туркманистондан яна иссиқ ва қуруқ ҳаво оқими киришни бошлайди.
Республика ҳудудининг катта қисмида об-ҳаво кам булутли ва қуруқ бўлади, фақат айрим тоғолди ва тоғли жойларда қисқа муддатли ёмғир ёғиши, момақалдироқ бўлиши мумкин.
Кундузги ҳарорат +37...+40 даража атрофида бўлади, жанубда — +42 даражагача кўтарилади. Бу ёзнинг шу даври хос бўлган меъёрий қийматлардан 2-4 даражага юқоридир.