Соғлиқни сақлаш вазирлиги хабарига кўра, 2020 йил 12 июль соат 17:00 ҳолатига кўра, Ўзбекистонда коронавирус инфекцияси қайд этилганлар сони 12855 (+149) нафарни ташкил этмоқда.
Янги касалланиш ҳолатларининг 45 нафари Карантин марказидаги фуқаролар (барчаси хориждан келган) орасида, 28 нафари Андижон вилоятида ( шундан 11 нафари коронавирусга чалинганлар билан мулоқотда бўлиб, карантинга олинган фуқаролар орасида, 17 нафари эса аҳоли орасида) 76 нафари Тошкент шаҳрида аҳоли орасида аниқланган.
Бугун айни пайтга қадар 7723 нафар коронавирус инфекциясига чалинган фуқаролар (60 фоизф) соғайди.
Ҳозирда 5073 нафар беморга шифокорлар томонидан белгиланган стандартлар бўйича даво чоралари кўрилмоқда.