10 июль куни Tesla акцияларининг ўсиши ортидан Илон Маскнинг бойлиги 6,1 млрд долларга ошган. Бу ҳақда Bloomberg хабар берди.
Bloomberg Billionaires Index рейтинги маълумотларига кўра, Маскнинг бойлиги 70,5 млрд долларга етган. Шу тариқа, Маск ушбу рейтингда 7-ўрингача кўтарилиб олган.
Ҳафта бошида Berkshire Hathaway директорлар кенгаши раиси Уоррен Баффетнинг 2,9 млрд доллар хайрия қилган. Маск Баффетдан ташқари яна тўртта дунё миллиардерларини бу рўйхатда қувиб ўтган.
Улар орасида L'Oreal хўжайинларидан бири Франсуаза Бетанкур-Майерс, Oracle ҳамасосчиси Ларри Эллисон, Осиёнинг энг бой одамиҳиндистонлик магнат Мукеш Амбани ва Google ҳамасосчиси Сергей Брин бор.
Bloomberg таъкидлашича, 49 ёшли Маскнинг асосий бойлигини Tesla компаниясидан келадиган пуллар ташкил қилади.
Электромобиллар ишлаб чиқарувчи компаниянинг жорий йилдаги акциялари нақ 269 фоизга ўсган.
SpaceX компаниясининг қимматли қоғозлари Илон Маскка 15 миллиард доллар келтиради.