Жамият

Тошкентда зўравонликдан жабр кўрган 709 нафар аёлга ҳимоя ордери берилди

Тошкентда йил бошидан буён зўравонликдан жабр кўрган аёлларнинг аксариятига руҳий тазйиқ ўтказиб келинган.

Тошкентда зўравонликдан жабр кўрган 709 нафар аёлга ҳимоя ордери берилди
Фото:CC0 / pixabay

Тошкент шаҳрида жорий йилнинг олти ойи давомида зўравонликдан жабр кўрган аёлларга 709 та химоя ордери берилган. Бу ҳақда Тошкент шаҳар ИИББ ХПБ Хотин-қизлар масалалари бўйича бўлими Sputnik Ўзбекистон мухбирига маълум қилган.
 


Таъкидланишича, ҳимоя ордерларининг 639 таси оила-турмуш муносабатлари доирасида содир этилган ҳолатлар юзасидан берилган. Зўравонликларнинг 583 таси оиладаги келишмовчилик, 52 таси моддий етишмовчилик, 35 таси рашк, 39 таси оиладаги учинчи шахс аралашуви туфайли келиб чиққан.

 

Зўравонликлар 436 та ҳолатда турмуш ўртоқ, 38 та ҳолатда қайноналар, 26 ҳолатда келинлар 209 ҳолатда эса бошқа шахслар томонидан аёлга нисбатан содир этилган.

 

Шунингдек, ҳимоя ордерларининг 313 таси жисмоний, 7 таси жинсий, 12 таси иқтисодий, 377 таси руҳий зўравонликлар учун берилган.

 

Маълумот учун, коронавирус эпидемияси туфайли ўртача ҳисобда 2,6 миллиард киши бир неча ойдан бери ўз-ўзини яккалаш тартибида турмуш кечирмоқда. Ушбу вазиятдан оилавий зўравонлик ҳолатлари кескин кўпайиши кузатилмоқда. Айрим мамлакатларда оилавий зўравонликдан жабрланганлар сони 2 баравар ошгани ҳақида БМТ бош котиби Антонио Гутерриш 5 апрел куни сўзлаган нутқида айтиб ўтган.

Covid-19 Ўзбекистонда
Юқтирганлар27047(+746)
Соғайганлар18051(+789)
Вафот этганлар165(+6)
Covid-19 Ўзбекистонда
Юқтирганлар27047(+746)
Соғайганлар18051(+789)
Вафот этганлар165(+6)
изоҳлар
Мавзу бўйича қизиқарли ва маъноли фикрлар қабул қилинади.
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ