Излаш
RUUZ

Коронавирус

29-ўлим: Тошкентда 77 ёшли аёл коронавирусдан вафот этди

Тошкент шаҳрида яшовчи Н.Г. 23 июнда коронавирус инфекцияси билан Тошкент тиббиёт академияси кўп тармоқли клиникасининг жонлантириш бўлимига ётқизилган эди.

3325views2replies
0

UzNews.uz

Соғлиқни сақлаш вазирлигининг маълум қилишича, пойтахтимизда яшовчи 77 ёшли Н.Г. шу йилнинг 7 июнидан 16 июнгача Республика Шошилинч тиббий ёрдам илмий марказида  юрак ишемик, гипертония, қон айланиш етишмовчилиги, ўнг сут бези саратони, икки томонлама бронхопневмония, ўпка шиши ташхиси билан даволанган.
23 июнь куни эса унда коронавирус инфекцияси ҳам аниқланган ва ихтисослашган тиббий ёрдам кўрсатиш мақсадида Тошкент тиббиёт академияси кўп тармоқли клиникасининг жонлантириш бўлимига ётқизилган.
У охирги 10 йил давомида  юрак ишемик, гипертония ва онкологик хасталик каби  қатор ташхислар билан даволаниб келган.
Шу йилнинг 2 июль куни стандартлар асосида кўрсатилган реанимацион муолажаларга қарамасдан бемор ўткир юрак қон-томир ва ўпка етишмовчилигидан  вафот этган.
Эслатиб ўтамиз, Ўзбекистонда коронавирус билан боғлиқ ўлим ҳолати 29тага етди.
3325views2replies
0

Изоҳлар