Ижтимоий тармоқларда Фарғонада 22 ёшли йигит ит билан айланиб юрган вояга етмаган қизни омма олдида калтаклагани ҳақида хабар тарқалган эди. Хабар эгасининг сўзларига кўра, қиз очиқ ташқи кўриниши ва миллати учун калтакланган.
ИИВнинг хабарига кўра, фуқаро Н.Х. 31 май куни йўл четида кетаётган вақтида, вояга етмаган К.Е.нинг етаклаб юрган ити унга яқинлашганини кўриб, қўрқиб кетганлиги сабабли, унинг итини ўзидан узоқлаштирмоқчи бўлган.
Шундан сўнг, Е.К. бу ҳолатни нотўғри тушуниб, фуқаро Н.Х.ни ҳақорат қилиб, уриб юборган вақтида йигит ҳам қизнинг юз қисмига қўли билан уриб жароҳат етказган.
«Фуқаро Н.Х. ва Е.К. ўртасидаги ўзаро жанжал қизнинг ташқи кўриниши ёки миллати билан боғлиқ эмаслиги жиноят ишидаги далиллар билан ўз тасдиғини топди», - дейилади хабарда.
Мазкур ҳолат юзасидан Н.Х.га нисбатан ЖКнинг 105-моддаси 1-қисми билан жиноят иши қўзғатилиб, суриштирув ҳаракатлари олиб борилмоқда.