10 июнь соат 17:00 ҳолатига кўра, Ўзбекистонда коронавирус инфекцияси қайд этилганлар сони 4591 (+44) нафарни ташкил этмоқда.
Соғлиқни сақлаш вазирлигининг хабарига кўра, янги касалланиш ҳолатларининг 20 таси Карантин марказидаги фуқаролар орасида, Тошкент вилоятида 2 таси, Сирдарё вилоятидан 8 таси ва Хоразм вилоятида 2 таси, жами 12 таси халқаро юк ташувчи автомашина ҳайдовчиси ҳамда 6 таси Тошкент шаҳрида, 3 таси Сирдарё вилоятида, 1 таси Хоразм вилоятида, 2 таси Самарқанд вилоятида аҳоли орасида қайд этилди.
Айни пайтда юртимизда 3504 (+29) нафар коронавирус инфекциясига чалинган фуқаролар соғайди.
Ҳозирда мамлакатимизнинг тўққиз худудидаги тиббиёт муассасаларида жами 1069 нафар коронавирусга чалинган беморга шифокорларимиз томонидан белгиланган стандартлар бўйича даво чоралари кўрилмоқда. Уларнинг 8 нафари оғир, 1 нафари эса ўта оғир аҳволда.