Соғлиқни сақлаш вазирлигининг хабарига кўра, Тошкентлик 72 ёшли М.да 2 июнь куни COVID-19 аниқланиб, Вирусология илмий текшириш институти клиникасига ётқизилган эди. Ушбу эркак бемор узоқ йиллардан буён юрак ишемик касаллиги, зўриқиш стенокардияси, гипертония касаллиги, қандли диабетнинг иккинчи тури ташхиси билан даволаниб келган.
Маълум қилинишича, 2000 ва 2019 йилларда у икки марта миокард инфарктини ўтказган.
Республика Шошилинч тиббий ёрдам илмий маркази шифокорлари томонидан ўтказилган реанимацион муолажаларига қарамасдан жонлантириш бўлимида сунъий нафас олиш аппаратида бўлган бемор ўпка-юрак етишмовчилиги, бош мия қон айланишининг ўткир бузилишидан вафот этди.