Соғлиқни сақлаш вазирлигининг хабарига кўра, 1 июнь соат 23:00 ҳолатига кўра, Ўзбекистонда коронавирус инфекцияси қайд этилганлар сони 3702 нафарни ташкил этмоқда.
Бугун юртимизда коронавирус инфекцияси тасдиқланган 79 нафар беморнинг 58 нафари Карантин муассасаларидаги фуқаролар орасида, 15 нафари (Тошкент шаҳридан 13 нафар, Сирдарё ва Тошкент вилоятларидан 1 нафардан) аҳоли орасида қайд этилган бўлса, қолган 6 нафари халқаро юк ташувчи автомашина ҳайдовчиларида аниқланган.
Ҳозирда касаллик қайд этилган жами 3702 нафар бемордан 2859 нафари соғайиб, даволаниш кўрсаткичи 77 фоизни ташкил этмоқда.
Айни пайтда тиббиёт муассасаларида даволанаётган 828 нафар бемордан 9 нафари оғир, 2 нафари эса ўта оғир аҳволда.