Жиззах вилоятининг Пахтакор туманидаги суғориладиган ерда яширин аэродром қурилгани аниқланди. Бу ҳақда Давергеодезкадастр матбуот хизмати хабар бермоқда.
Қайд этилишича, аэродром SilverleafeInternational LLC агрокластери томонидан Мингчинор қишлоқ фуқаролар йиғини ҳудудида қурилган.
Аэродром 8 гектар ерни эгаллаган, шундан 6 гектари суғориладиган экин ерларидир. Шунингдек, агрокластер 1 гектар экин ерида ўзбошимчалик билан турли иморатлар қурган.
Мазкур ҳолат юзасидан қўмита мутахассислари томонидан Ўзбекистон Вазирлар Маҳкамасига ахборот берилган ва вилоят ҳокимлигига тақдимнома киритилган.