Соғлиқни сақлаш вазирлигининг хабарига кўра, коронавирус инфекцияси яна 42 нафар кишида аниқланган.
Янги касалланиш ҳолатларининг барчаси чет элдан келган фуқароларда аниқланган. Жумладан, 38 нафар Санкт-Петербургдан чартер рейс билан, 2 нафар Тожикистондан келган ва карантин марказига жойлаштирилган фуқароларда ҳамда 2 нафар Қозоғистон орқали юртимизга кириб келган халқаро юк ташувчи автомашина ҳайдовчиларида инфекция қайд этилди.
23 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3078 (+42) нафарни ташкил қилмоқда