Ўзгидромет хабарига кўра, бугун ҳаво очиқ бўлиши кутилмоқда. Термометр устунчаси кундузи +28...+31 даражагача кўтарилади. Республиканинг шимолий, чўл зоналари ва жанубида ҳарорат +33...+35 даражани ташкил этади.
23-24 май кунлари Ўрта Осиё ҳудуди устидаги жанубий оқимлар кучайиб, ҳаво ҳароратининг кўтарилиши давом этади. Кечаси ҳарорат +15...+18 даража, кундузи +35...+37, шимолий, жанубий ва чўл зоналарида — +38...+40 даражагача кўтарилади.
"Бундай ҳарорат ўртача кўп йиллик кўрсаткичлардан 4-6 даражага юқори бўлиб, энг иссиқ йилларда шу кунда кузатилган ҳароратга яқин бўлади", — дейилади хабарда.
Республиканинг шимоли ва чўл зоналарида шамолнинг тезлиги секундига 17-22 метргача кучаяди.