Сардоба сув омбори дамбасининг ўпирилиши оқибатида камида 6 киши ҳалок бўлган. Бу ҳақда халқаро пресс-клубда бўлиб ўтган брифингда ФВВ ташкилий-таҳлил бошқармаси бошлиғи Комилжон Арипов маълум қилди.
Қайд этилишича, ҳалок бўлганларнинг орасида икки нафар аёл ва тўрт нафар эркак киши бор. Яна бир фуқаро эса дараксиз йўқолган.
Шунингдек, тадбирда уч нафар миллий гвардия ҳарбийлари кучли сув оқимида оқиб кетишгани маълум қилинди.
Капитан Санжар Ибрагимов ҳодиса жойидан 15 км узоқликда тирик ва 3-даражали сержант Ҳусниддин Суяров ўлик ҳолда топилган, учинчи фуқаро Ҳазрат Суюнов эса дараксиз йўқолган дейилмоқда.