Ўзбекистон ФВВ 12 апрель куни, тахминан соат 7:00 да Самарқанд вилояти Каттақўрғон шаҳрида жойлашган икки қаватли уйларнинг бирида ис газининг сиқилиши натижасида портлаш содир бўлгани ҳақида хабар бермоқда.
Маълумотларга кўра, портлаш оқибатида уч нафар фуқаро вафот этган, яна тўрт киши турли тан жароҳатлари билан шаҳар тиббиёт бирлашмасига жойлаштирилган.
Дастлабки тахминларга кўра, портлаш турар-жой биносининг биринчи қаватида жойлашган квартирада газ сиқилиши туфайли юз берган.
Айни пайтда воқеа жойида Самарқанд вилояти фавқулодда вазиятлар бошқармаси қутқарувчилари ва бошқа тузилмалар вакиллари ишламоқда.