9 апрелдан Тошкент вилоятининг Олмалиқ, Ангрен, Янгийўл ва Чирчиқ шаҳарларида карантин тартиблари янада кучайтирилади. Бу ҳақда Тошкент вилояти ҳокимлиги ахборот хизматига таянган ҳолда, @koronavirusinfouz Telegram-каналида хабар берилмоқда.
Қайд этилишича, юқорида айтиб ўтилган ҳудудларга фуқароларнинг кириши ва чиқиши чекланади. Фавқулодда ҳолатлар ҳамда юк автомобиллари бундан мустасно.
Вазиятдан келиб чиқиб, ушбу ҳудудларга ёндош туманларда озиқ-озиқ ярмаркалари ташкил этилади.