28 март куни Юнусобод туманида куёв карантин қоидаларини бузган ҳолда, дўстлари билан “куёв навкар” тўй маросимини ўтказган. Бу ҳақда Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар бермоқда.
Мазкур ҳолат юзасидан Юнусобод тумани прокуратураси томонидан ЖКнинг 257-1-моддаси (Санитарияга оид қонун ҳужжатларини ёки эпидемияга қарши кураш қоидаларини бузиш) билан жиноят иши қўзғатилган. Тергов ҳаракатлари олиб борилмоқда.