Президентининг 24 февралдаги қарори билан, Ўзбекистон молия вазирининг биринчи ўринбосари лавозимига Омонулло Забихуллаевич Насритдинхожаев тайинланди. Бу ҳақда молия вазирлиги матбуот хизмати хабар бермоқда.
Насритдинхожаев О.З. 1994 йилда Тошкент давлат университетини, 2002 йилда Италиядаги SDA Bocconi менежмент мактабини тамомлаган. Шунингдек, 2016 йилда Гарвард бизнес мактаби илғор менежмент дастурини тамомлаган.
У тайинловга қадар президентнинг иқтисодиёт тармоқларини ривожлантириш, инвестициялар ва ташқи савдо сиёсатини амалга ошириш бўйича маслаҳатчиси ўринбосари лавозимида фаолият юритган.