Жамият

Гулнора Каримованинг Женевадаги вилласини тинтув қилиш вақтида нималар топилди?

Бош прокуратура Каримованинг Швейцариядаги вилласини тинтув қилиш вақтида қимматбаҳо санъат ашёлари топилиб, хатлангани ҳақида маълумот берди.

Гулнора Каримованинг Женевадаги вилласини тинтув қилиш вақтида нималар топилди?
Фото:Google

Бош прокуратура ва Адлия вазирлиги томонидан тегишли соҳа идоралари иштирокида Швейцария, Франция, Россия Федерацияси, Латвия ва бошқа давлатлар ваколатли идоралари билан ҳамкорликда Г.Каримова томонидан жиноий йўл билан қўлга киритилган активларни қайтариш масаласида муайян ишлар олиб борилмоқда, дейилади Бош прокуратура матбуот хизматининг хабарида.

 

Швейцария федерал прокуратураси билан ҳамкорликда экспертлар жалб қилинган ҳолда, Г.Каримованинг Женева шаҳрида жойлашган вилласида ўтказилган тинтув вақтида аниқланган ва хатланган 70 турдаги санъат ашёларининг (картиналар, амалий санъат ва ҳунармандчилик асарлари ва ҳоказолар) миллий бойликка тааллуқлилигини аниқлаш ҳамда уларнинг Ўзбекистонга қайтарилиши бўйича ишлар олиб борилмоқда.

 

Аввал Г.Каримованинг Ўзбекистондаги яшаш манзилларида 985 турдаги тарихий, маданий ва бадиий аҳамиятга эга қимматликлар деб топилган ҳамда умумий қиймати 12,7 млрд сўмдан ортиқ бўлган санъат асарлари (картина, сўзана, миллий тақинчоқлар, сопол, ёғочдан ишланган миллий ҳунармандчилик асарлари ва ҳоказолар) аниқланган ва хатланган.

 

"Қайд этилган картиналар ва санъат асарлари суд ҳукмига кўра, давлат эгалигига ўтказилиб, Ўзбекистон амалий санъати ва ҳунармандчилик тарихи Давлат музейи, Фарғона вилоят тарих ва маданият Давлат музейи,  Андижон вилоят тарих ва маданият Давлат музейи, Чирчиқ шаҳар тарих музейларига топширилган", - дейилади хабарда.

Коронавирус Covid-19 Ўзбекистонда
Юқтирганлар3623(+77)
Соғайганлар2837(+54)
Вафот этганлар15(+1)
Коронавирус Covid-19 Ўзбекистонда
Юқтирганлар3623(+77)
Соғайганлар2837(+54)
Вафот этганлар15(+1)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ