Излаш
RUUZ

Ҳодисалар

Тошкент вилоятида қурилаётган омборхона ёниб кетди — видео

Ёнғинни ўчириш учун олтита ёнғин ўчириш экипажлари жалб қилинган.

2175views0replies
0

Видеодан кадр/ UzNews.uz

8 январь куни соат 16:10да Тошкент вилояти, Ўрта Чирчиқ тумани, Гулзор МФЙда жойлашган “Изза Бобур” оилавий корхонасига қарашли янги қурилаётган омборхона биносида ёнғин бўлаётгани ҳақида ёнғин-қутқарув хизматига хабар келиб тушди, дейилади ФВВнинг хабарида.
Воқеа жойига 6та ёнғин ўчириш экипажлари жалб этилган. Биринчи бўлинмалар чақирилган манзилга соат 16:26да етиб борган. Қайд этилишича, энг яқин ёнғин-қутқарув қисмигача бўлган масофа 15 км.ни ташкил этган. Олиб борилган тезкор ҳаракатлар натижасида ёнғин соат 16:40да ўраб олиниб, соат 17:05да ўчирилган.
Натижада алангада қолган бинонинг 300 кв.м. майдони сақлаб қолинган. Аммо, омборхона биносининг 190 кв.м. майдонида синтепон қурилиш маҳсулоти ва том қисми ёнган.
Ҳодисанинг тахминий сабаби: синтепон қурилиш маҳсулотини бир бирига фен ёрдамида уланишида йўл қўйилган эҳтиётсизлик. Жабрланганлар йўқ. Моддий зарар миқдори аниқланмоқда.
Видео воқеа жойидан UzNews.uz мобиль мухбири томонидан юборилди.
2175views0replies
0

Изоҳлар