Тошкент вилоятида 1 январь куни тахминан соат 16:30 20 ёшли Х.Э., С.А. ва Б.М.лар 60 сантиметр узунликдаги трубани қўл бола усулда ишланган портловчи воситилар билан тўлдиришган. Бу ҳақда ИИВ ҳузуридаги тергов департаменти хабар бермоқда.
Шундан сўнг, фуқаролар қўл бола усулда ясалган пиротехника воситасини ёқиб, 8 синф ўқувчиси С.Ғ.га қарата отиб юборишган.
Оқибатда С.Ғ. оғир тан жароҳатлари олиб, касалхонага ётқизилган. Аммо, у шифокорлар ёрдамида қарамасдан вафот этган.
Мазкур ҳолат юзасидан ЎзР ЖКнинг 250-моддаси 3-қисми “в” банди (одам ўлишига сабаб бўлган пиротехника буюмларининг қонунга хилоф муомаласи) билан жиноят иши қўзғатилиб, дастлабки тергов ҳаракатлари олиб борилмоқда.