Жамият

ЎзЛиДеПнинг депутатликка бўлган яна бир номзоди маъмурий жавобгарликка тортилди

Бош прокуратура хабарига кўра, номзод сайловчилар унга овоз бериши учун уларга озиқ-овқат маҳсулотларини тарқатган.

ЎзЛиДеПнинг депутатликка бўлган яна бир номзоди маъмурий жавобгарликка тортилди
Фото:UzNews.uz

ЎзЛиДеПдан Наманган шаҳридаги 32-Исфархон сайлов округидан номзоди кўрсатилган З.Ходжаев 3-4 декабрь кунлари Наманган шаҳридаги номзоди қўйилган “Ҳақиқат” ҳамда “Марғилон” МФЙда яшовчи сайловчилар билан учрашиб, сайлов куни унга овоз беришлари учун уларга озиқ-овқат маҳсулотларини текин тарқатиб, сайловолди ташвиқотини олиб борган, дейилади Бош прокуратура хабарида.

 

Сайлов кодексининг 44-моддасига кўра, депутатликка номзодлар ташвиқотни сайловчиларга имтиёзли шартларда товарлар бериш, хизматлар кўрсатиш билан қўшиб олиб бориш тақиқланган.

 

Ушбу ҳолат юзасидан Наманган шаҳар прокуратураси томонидан З.Ходжаевга нисбатан МЖтКнинг 51-5-моддаси билан маъмурий жавобгарлик тўғрисида иш қўзғатилиб, тўпланган ҳужжатлар мазмунан кўриб чиқиш учун Наманган шаҳар маъмурий судига юборилган.

 

Наманган шаҳар маъмурий судининг қарорига асосан, З.Ходжаевга маъмурий жавобгарлик тўғрисидаги кодекснинг 51-5-моддаси билан базавий ҳисоблаш миқдорининг саккиз баравари миқдорида жарима жазоси қўлланилган.

фикрлар
Мавзу бўйича қизиқарли ва маъноли фикрлар қабул қилинади.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ