Бугун, 1 декабрь куни тахминан соат 05:30 ларда Тошкент вилояти Қибрай тумани Алишеробод маҳалласидаги уйларнинг бирида истиқомат қилувчи бир оиланинг 16 нафар аъзолари ис газидан заҳарланиб, шифохонага мурожаат қилганлар. Бу ҳақида ИИВ ҳузуридаги Тергов департаменти хабар бермоқда.
Заҳарланган оила аъзоларининг 11 нафари вояга етмаган фуқаролар бўлган. Вафот этганлар йўқ.
Ҳодиса содир бўлган жойда тергов-тезкор гуруҳи ишламоқда.
Мазкур ҳолат юзасидан қўшимча равишда маълумот берилади.