Тошкент шаҳар ИИББнинг хабар беришича, автомобиль ИИББ ЙҲХБ ходимлари томонидан қўлга олинган. Автомобилни 21 ёшли М.С. бошқарганлиги маълум бўлган. Ҳайдовчида автомобиль ойналарини қорайтиришга рухсат бор бўлган, аммо, махсус ёритувчи ва товуш чиқарувчи қурилмаларни ўрнатишга рухсати бўлмаган.
Фуқаро М.С.га нисбатан ЎзР маъмурий жавобгарлик тўғрисидаги кодексининг 127-моддаси 2-қисмига мувофиқ, шунингдек, 128-5-моддаси бўйича баённома расмийлаштирилган. ЎзР маъмурий жавобгарлик тўғрисидаги кодекснинг 291-моддасига мувофиқ, қоидабузарнинг транспорт воситаси жарима майдончасига жойланди. Ҳайдовчига нисбатан чора бўйича қарор суд томонидан қабул қилинади.
ИИББнинг эслатиб ўтишича, тегишли рухсат олмай туриб транспорт воситаларига товуш чиқарувчи ва ёритувчи махсус қурилмаларни ўрнатиш – ана шу қурилмаларни мусодара қилиб, фуқароларга энг кам иш ҳақининг бир бараваридан уч бараваригача, мансабдор шахсларга эса — уч бараваридан беш бараваригача миқдорда жарима солишга сабаб бўлади.