Ўзгидромет хабарига кўра, бугун ва эртага республика ҳудудида илиқ ва қуруқ ҳаво сақланиб туради. Ҳаво ҳарорати +20…+25 даража, мамлакат шимоли, жануби ва чўл зонасида +26…+28 даражага бўлади.
18 март куни ҳудудининг катта қисмида ҳаво аввалгидек ёғингарчиликсиз бўлади, фақат Тошкент, Самарқанд, Жиззах ва Сирдарё вилоятларида кечаси ва эрталаб айрим жойларга кучсиз ёмғир ёғиши мумкин.
19 март куни бутун республика бўйича об-ҳавонинг қуёшли бўлиши ва ҳароратнинг +23…+25 даражагача кўтарилиши кутилмоқда.
20 март куни марказий, жанубий ва шарқий туманларда, 21 март куни айрим жойларда ёмғир ёғади. Ҳаво ҳарорати +18…+23 даражагача пасаяди.