Божхона хизмати ходимлари томонидан ўтказилган тезкор тадбирда, С.О. бошқарувида бўлган Lacetti русумли автомобиль белгиланган тартибда текширувдан ўтказилган. Бу ҳақда ДБҚнинг матбуот хизмати хабар бермоқда.
Текширув натижасида, машина юкхонасида йўловчи Т.З. томонидан тегишли ҳужжатларсиз, умумий қиймати 1 млрд 36 млн сўмлик 41 дона уяли алоқа телефонлари ва 795 дона қўл соатлари олиб кетилаётганлиги аниқланди.
Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.