11 ноябрь куни Тошкент вилояти Қуйичирчиқ тумани “Сурум“ маҳалласидаги уйларнинг бирида газ тўпланиб чақнаши натижасида портлаш содир бўлди. Портлаш оқибатида 2 нафар шахс вафот этган.
Ўзбекистон ФВВнинг маълумотларига кўра, портлаш намунали уйларнинг бирида содир бўлган.
Дастлабки маълумотларга кўра, 4 нафар фуқаро турли даражадаги куйиш жароҳатлари билан касалхонага ётқизилган. Воқеа жойида Тошкент шаҳар ёнғин-қутқарув отряди қутқарувчилари ишлашмоқда.