Сиёсат

Ўзбекистон элчиси Латвия Президентига ишонч ёрлиқларини топширди

Ўзбекистон элчиси Қадамбай Султанов Латвия Президенти Эгилс Левитсга ишонч ёрлиқларини топширди.

Ўзбекистон элчиси Латвия Президентига ишонч ёрлиқларини топширди
Фото:Ўзбекистон ТИВ

Маросимдан кейин бўлиб ўтган суҳбат чоғида Латвия раҳбари унинг мамлакати Президент Шавкат Мирзиёев бошчилигида Ўзбекистонда жадал амалга оширилаётган кенг кўламли ўзгаришларни қўллаб-қувватлашини таъкидлади ва Рига Тошкентнинг ислоҳчилик саъй-ҳаракатларига бундан кейин ҳам кўмаклашишга тайёрлигини маълум қилди. Бу ҳақида ТИВ матбуот хизмати хабар қилмоқда.

Шунингдек, Ўзбекистон ва Латвия ўртасидаги ҳамкорликнинг кун тартиби, минтақавий ва халқаро кўп томонлама тузилмалар, жумладан Европа Иттифоқи, БМТ доирасидаги алоқаларнинг кўплаб масалалари ва Марказий Осиёда минтақавий ривожланиш истиқболлари юзасидан фикр алмашилди.

 

Халқлар ўртасидаги алоқаларни (пеопле-то-пеопле тиес) мустаҳкамлашга алоҳида эътибор қаратилди. Таълим соҳасидаги ҳамкорликни янада ривожлантириш истиқболлари таъкидланди.

Учрашувда Латвия Президентининг ташқи сиёсат бўйича маслаҳатчиси Солвейга Силкална ҳам иштирок этди.

фикрлар
Мавзу бўйича қизиқарли ва маъноли фикрлар қабул қилинади.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ