Ҳодисалар

Қашқадарёда даҳшатли ЙТҲ: бир одам вафот этган, 6 нафар фуқаро реанимацияда

Қашқадарё вилоятидаги чорраҳада 9 та йўловчиси бўлган газель ва 2 та йўловчиси бўлган енгил автомашина тўқнашди.

Қашқадарёда даҳшатли ЙТҲ: бир одам вафот этган, 6 нафар фуқаро реанимацияда
Фото:tergov.uz

ИИВ матбуот хизматининг хабарига кўра, 2 ноябрь куни соат 11:50 да Қашқадарё вилояти Чироқчи тумани ҳудудидан ўтган “Қарши катта халқа йўли”нинг “Еттитом-Қарши” 4Р-87 автомобил йўли билан кесишган 53 км.даги тартибга солинган чорраҳасида фуқаро М.Р.нинг бошқарувидаги “Ласетти” русумли автомашинаси билан фуқаро С.Х.нинг бошқарувида бўлган “Газ-322132” русумли автомашина тўқнашиб, йўл транспорт ҳодисаси содир этилган.

 

ЙТҲ оқибатида “Газ-322132” русумли автомашинанинг ҳайдовчиси ва 9 нафар йўловчиси ҳамда “Ласетти” русумли автомашинанинг ҳайдовчиси ва 2 нафар йўловчиси турли даражада тан жароҳати олгани учун касалхонага олиб кетилган.

 

“Газ-322132” русумли автомашина ҳайдовчиси С.Х. кўрсатилган тиббий муолажаларга қарамай вафот этган. 6 нафар фуқаро эса реанимация бўлимига ётқизилган.

 

Мазкур ҳолат юзасидан Чироқчи тумани бўйича ИИО ФМБ ҳузуридаги тергов бўлими томонидан Жиноят кодексининг 266-моддаси (“Одам ўлимига сабаб бўлган транспорт воситасини бошқарувчи шахс томонидан транспорт воситалари ҳаракати ёки улардан фойдаланиш хавфсизлиги қоидаларини бузиш”) 2-қисми билан жиноят иши қўзғатилган.

 

Ҳозирги кунда дастлабки тергов ҳаракатлари олиб борилмоқда.

фикрлар
Мавзу бўйича қизиқарли ва маъноли фикрлар қабул қилинади.
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ