Jahon.uz сайтида президент аппарати умумий бўлимининг раҳбари, жиноий гуруҳ ташкил қилган Асатулла Дўстовнинг жиноий иши бўйича айрим тафсилотлар эълон қилинди. У ЎзР ЖКнинг қуйидаги моддалари билан айбланмоқда:
• 165-моддаси 3-қисмининг “а,в” бандлари;
• 168-моддаси 3-қисмининг “а,в” бандлари;
• 209-моддаси 2-қисмининг “а,б” бандлари;
• 28,211-моддаси 3-қисмининг “а,б,в” бандлари;
• 242-моддасининг 1-қисми;
• 243-моддаси.
Бундан ташқари, у содир этганликда айбланаётган қатор жиноятлар келтирилмоқда:
- ИИВ ТБ томонидан тергов ҳаракатлари олиб борилган жиноят иши бўйича Жиноят кодексининг 244(2)-моддаси 1-қисмида кўрсатилган жиноятни содир этганлиги учун қамоққа олинганларни қамоқдан чиқариш ва улар сақланаётган УЯ-64/ТҲ-1 муассасаси ходимлари томонидан муассасанинг ички тартибини бузишган тақдирда уларга нисбатан жазо қўлланилмаслиги масаласини ҳал қилиб бериш;
- “Чкалов” номидаги Тошкент авиация бирлашмаси томонидан сотувга чиқарилаётган мол-мулкларни сотиб олиб бериш;
- Давлат маслаҳатчиси лавозимида ишловчи Р.Мухиддинов билан яқин муносабатда эканликларини айтиб авф орқали маҳкумларни қамоқдан чиқариш;
- Қорақалпоғистон Республикаси Соғлиқни сақлаш вазири лавозимига тайинлаш;
- Нукус Давлат педагогика институтининг ректори лавозимига тайинлаш;
- Ўзбекистон Республикаси Соғлиқни сақлаш вазири лавозимига тайинлаш;
- Самарқанд вилоят Нарпай туманида жойлашган «Оқтошдонмаҳсулотлари» очиқ турдаги акциядорлик жамияти бошқарув раиси лавозимига тайинлаш;
- “Андижонпахтасаноат” ҳудудий акциядорлик бирлашмасига ишга жойлаштириб қўйиш;
- Қарши Давлат университети ректори лавозимига тайинлаш;
- Нарпай туман ҳокими лавозими тайинлаш;
- Бош прокуратура ҳузуридаги Солиқ, валютага оид жиноятлар ва жиноий даромадларни легаллаштиришга қарши курашиш департаментига суриштирувчи лавозимига тайинлаш.
Дастлабки маълумотларга кўра, А.Дўстов жиноий фаолияти натижасида фуқаролардан жами 1 млн 669 минг 700 АҚШ доллари пул маблағларини ўзлаштирган.