20 октябрь куни соат тунги 12да Жиззах вилоятининг Шароф Рашидов туманида одам ҳаётига суиқасд қилиш содир бўлди. Бу ҳақда UzNews.uz'га Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар берди.
"Тоқчилик" маҳалласида истиқомат қилувчи 40 ёшли фуқаро З.И. 20 ёшли фуқаро Ё.Б. ва унинг қариндошлари билан ўзаро жанжаллашиб, МЦ 21-12 русумли ов қуроли билан уларга қарата 6 маротаба ўқ узган.
Мазкур ҳолат юзасидан Ш.Рашидов тумани прокуратураси томонидан З.И.га нисбатан ЖКнинг 25, 97-моддаси 2-қисми "а" банди билан жиноят иши қўзғатилган.
Фуқаро З.И. процессуал тартибда ушланган, тергов ҳаракатлари давом этмоқда.