Излаш
RUUZ

Ҳодисалар

Ўз жонига қасд қилган аёл қутқариб қолинди

Номаълум сабабларга кўра ўзини сувга ташлаган аёл Миллий гвардия ходимлари томонидан қутқариб қолинди.

1120views0replies
0

Иллюстрация

Жорий йил 10 октябрь куни Ўзбекистон Республикаси Миллий гвардиясининг Қорақалпоғистон Республикасида жойлашган Қўриқлаш бошқармаси ходимлари томонидан қўриқланаётган Амударё устидаги тоифаланган “Қипчоқ понтон кўприги”дан номаълум сабабларга кўра ўзини сувга ташлаган аёлнинг ҳаёти сақлаб қолинди деб хабар беради Миллий гвардия матбуот хизмати.
Маълумотларга қараганда, 2019 йил 10 октябрь куни соат 11:30 лар чамасида “Cobalt” русумли автомашинадан номаълум аёл киши кўприк олдида тушиб қолиб, ўз жонига қасд қилиш мақсадида ўзини дарёга ташлаган. Бу вақтда кўприк ҳудудида хизмат олиб бораётган Миллий гвардия Қўриқлаш хизмати ходимлари бу ҳолатни кўриб, зудлик билан чўкаётган аёлни сувдан олиб чиққанлар.
Тез тиббий ёрдам кўрсатиш хизмати ҳамда туман ИИБ навбатчилик қисми воқеа жойига етиб келгунига қадар Қўриқлаш хизмати ходимлари томонидан аёлга биринчи тиббий ёрдам кўрсатилган дейилади хабарда.
1120views0replies
0

Изоҳлар