Zamon кўрсатувининг лавҳаси орқали ёритилишича, судланувчи Тошпўлатовга 2018 йилда туғилган фарзанди Рустамов Билолхонни моддий таъминлаш учун топган даромадининг 70 фоизини алимент тариқасида тўлаб бориши белгиланган эди. Судланувчи эса алиментни тўламаслик мақсадида ўғлидан қутулишни режалаштирди.
Жорий йил 8 июль куни Тошпўлатов собиқ турмуш ўртоғи яшаб турган уйга борган ва алдов билан ўғлини олиб қочган. Болани Шимолий Фарғона каналига олиб келиб, уни ташлаб юборган ва чўкиб кетгунича қараб турган. Билолхонни сақлаб қолишнинг имкони бўлмади.
Суд Тошпўлатовни жиноят содир этганликда айбдор деб топиб, унга 18 йил озодликдан маҳрум қилиш жазосини тайинлади.