Тадбирда Ўзбекистоннинг Россиядаги элчиси Ботиржон Асадов, Тошкент метрополитени унитар корхонаси раҳбари Ойбек Худойқулов, ВЭБ.РФ катта бошқарувчи директори Игорь Шабанов, "Метровагонмаш" бош директори Борис Богатырев иштирок этишди. Бу ҳақида холдинг ташқи алоқалар ва корпоратив коммуникациялар дирекциясида маълум қилинди.
Тошкент метросига бешта тўрт вагонли поездларни етказиб бериш бўйича шартнома 2018 йил октябр ойида имзоланган эди.
Шартномага кўра, ҳар бир поезд иккита бош моторли вагон, битта оралиқ моторли ва битта оралиқ моторсиз вагонлардан иборат. Вагонларнинг хизмат қилиш муддати 30 йил. Шунингдек, ишлаб чиқарувчи завод ушбу сериядаги метро вагонларига техник хизмат кўрсатиш учун зарур бўлган эҳтиёт қисмлар ва материаллар тўпламини етказиб беради ва техник хизмат кўрсатувчи ходимларга маслаҳат хизматларини кўрсатади.
Тошкент метроси учун ишлаб чиқарилган метро вагонларида бир қатор технологик янгиликлар амалга оширилган.
Поездларда олдинги моделларга нисбатан ўтиш йўлаклари ва эшиклар кенгроқ (1400 мм.), шунингдек эшикларни очиш ва ёпиш учун янги огоҳлантириш тизими мавжуд. Метро вагонларининг янги авлоди учун овоз пасайтиргичлари бўлган паст кучланишли ғилдираклар ишлаб чиқилган.