Самарқанд ҳокимияти ижтимоий тармоқларда овқатдан оммавий заҳарланиш ҳақида тарқалган хабарларга изоҳ берди.
Самарқанд вилояти соғлиқни сақлаш бошқармасининг маълумотларига кўра, 16 сентябрь куни соат 16:10дан соат 18:30га қадар турли хонадонларда яшовчи 7 нафар фуқаролар бир хил клиник белгилар билан юқумли касалликлар шифохонасига мурожаат қилишган.
Заҳарланиш сабабларини ўрганиш борасида ўтказилган дастлабки эпидемиологик суруштурувларда барча беморлар “Мўжиза” ресторанида 14 сентябрь куни кечки вақтда ўтказилган тўйдан сўнг ортиб қолган гўшт ва ассорти маҳсулотларини уйларига олиб келишгани ва бу таомларни кейинги куни тушликда ва кечки овқатда истеъмол қилишгани аниқланган.