Шавкат Мирзиёев «Туркий тилли давлатлар ҳамкорлик Кенгашини тузиш тўғрисидаги Нахичеван Битимини ратификация қилиш ҳақидаги қонунни деб хабар беради Адлия вазирлиги.
“Туркий тилли давлатлар кенгаши Бош котиби сифатида мен ғурур ва мамнуният билан 2009 йил 14 сентябрда Туркий тилли давлатлар ҳамкорлик кенгаши тузган Нахичеван битими Ўзбекистон Республикаси томонидан ратификация қилиниши тугаганлигини эълон қиламан. Бу шуни англатадики, Ўзбекистон Республикаси Туркий тилли давлатлар кенгашининг тўла ҳуқуқли аъзосига айланади”, дейди Туркий тилли давлатлар кенгаши Бош котиби Бағдод Амреев.
Унинг сўзларига кўра, Ўзбекистоннинг Туркий тилли давлатлар кенгашига қўшилиши Кенгаш фаолиятига ва туркийзабон давлатлар ва халқлар ўртасидаги ҳамкорликни кенгайтиришга муҳим туртки беради.
Таъкидланишича, 15 октябрь куни Бокуда бўлиб ўтадиган Туркий тилли давлатлар кенгашининг еттинчи саммитида Ўзбекистон биринчи марта Кенгашнинг тўлақонли аъзоси сифатида иштирок этади. Саммитда Ўзбекистон Республикаси номидан Президент Шавкатом Мирзиёев қатнашади.
2009 йил 3 октябрда Нахичеван шаҳрида ташкил этилган Туркий тилли давлатлар кенгаши халқаро ҳукуматлараро ташкилот бўлиб,унинг асосий фаолияти туркийзабон давлатлар ўртасидаги дўстлик ва яхши қўшничилик алоқаларини мустаҳкамлаш, минтақада ва дунёда тинчлик, хавфсизлик ва ўзаро ишончни сақлашдан иборатдир.
Ҳозирги вақтда Кенгаш таркибига Ўзбекистон, Озарбайжон, Қозоғистон, Қирғизистон ва Туркия давлатлари киради