"Ўзбекистон темир йўллари" матбуот хизматининг хабар беришича, Тошкент–Андижон йўналишида ҳаракатланиб кетаётган 60-сонли йўловчи поезди Ангрен вокзалида 50 дақиқага тўхтаб қолган.
Тўхтаб қолишга электр тармоғида юзага келган носозлик сабаб бўлган. Кўрилган чора-тадбирлар натижасида, юзага келган носозлик бартараф қилиниб, темир йўлга етказиб берилаётган энергия таъминоти тикланган.
Ҳозирда поездларнинг мунтазам ҳаракати йўлга қўйилган.
"Ўзбекистон темир йўллари" АЖ маъмурияти юзага келган ноқулайлик туфайли йўловчилардан узр сўраган.