Излаш
RUUZ

Ҳодисалар

Юнусобод туманидаги 3та уйда ёнғин бўлди

Умумий ҳисобда 160 кв.метр майдон ёниб кетган уйларга 4 та ёнғин ўчириш бўлинмаси жалб этилган.

1123views0replies
0

dyxx.uz

12 сентябрь куни соат 02:34да Тошкент шаҳар Юнусобод тумани “Хиёбонтепа” МФЙ Бодомзор 10-тор кўчасида жойлашган 3та уйда ёнғин бўлаётганлиги ҳақида ёнғин-қутқарув хизматига хабар келиб тушган. Бу ҳақида Давлат ёнғин хавфсизлиги хизмати хабар қилмоқда.
Хабар асосида воқеа жойига 4 та ёнғин ўчириш бўлинмалари жалб этилган. Биринчи бўлинмалар кўрсатилган манзилга соат 02:39 да етиб борган. Кўрилган тезкор ҳаракатлар натижасида ёнғин соат 03:07 да қуршаб олинган ва 03:19 да тўлиқ бартараф этилган. Тан жароҳати олганлар ва ҳалок бўлганлар қайд этилмаган.
Ёнғин оқибатида 3-А-уйнинг 120 кв.метр майдонда томи, шифти ва ички жиҳозлари ёниб зарарланган. Ёнғин майдони кенгайиши оқибатида 5-А ва 3-уйларнинг 30 кв.метр ва 10 кв.метр майдондан том қисмлари ёниб зарарланган. Ёнғиндан уйларнинг жами 590 кв.метр майдони сақлаб қолинган.
Ёнғинни қўшни биноларига тарқалишига уйларни қуришда ёнғинга қарши оралиқ масофалар инобатга олинмаганлиги ва ёнғинга қарши деворлар қурилмаганлиги сабаб бўлган.
 Ҳодисанинг келиб чиқиш сабаби ва моддий зарар миқдори аниқланмоқда.
1123views0replies
0

Изоҳлар