Излаш
RUUZ

Жамият

ДБҚ 3,2 миллиард сўмлик маиший техника буюмларининг ноқонуний айланмасига чек қўйди

Ҳуқуқни муҳофаза қилиш органлари ва божхона қўмитаси ходимлари томонидан 3 миллиард 200 миллион сўмлик маиший техникаларни ноқонуний сотиш ва сақлаш ҳолати аниқланди.

1594views0replies
0

customs.uz

Давлат божхона қўмитаси Контрабанда ва божхона қонунчилиги бузилишига қарши курашиш бошқармаси томонидан Давлат солиқ қўмитаси билан ҳамкорликда ўтказилган тезкор тадбир давомида қўшни мамлакатдан Фарғона водийси орқали ноқонуний йўллар билан олиб кирилган маиший техника буюмларининг ноқонуний айланмаси фош этилди. Бу ҳақида Ўзбекистон Республикаси Давлат божхона қўмитаси матбуот хизмати хабар бермоқда.
Хабарда айтилишича, кузатувга олинган юк автотранспорт воситалари Зангиота тумани ҳудудида тўхтатилиб, белгиланган тартибда кўздан кечирилганида, автоулов юкхонасига ҳеч қандай ҳужжатлари бўлмаган, хорижда ишлаб чиқарилган, қолаверса, махсус идентификацион маркалар билан қадоқланмаган 100 дона контрафакт телевизорлар ортилганлиги аниқланган.
Тезкор тадбир давом эттирилганда, мазкур тумандаги омборлардан бирида ҳам 24 номдаги 938 дона телевизорлар, 340 дона кир ювиш машинаси, 60 дона музлатгич ва совутгичлар борлиги аниқланган.
Бундан ташқари ушбу ҳудудда яна бир сохта тадбиркорнинг 12 номдаги 210 дона телевизорлари ноқонуний равишда сақланаётганлиги фош қилинди.
Ўтказилган кенг қамровли тезкор тадбирлар натижасида божхоначилар томонидан тўхтатиб қолинган маиший техника воситаларининг умумий қиймати дастлабки ҳисоб-китобларга кўра 3,2 млрд сўмни ташкил қилмоқда.
Ҳозирда ушбу ҳолат юзасидан божхона органлари томонидан суриштирув ҳаракатлари олиб борилаётганлиги маълум қилинмоқда.
1594views0replies
0

Изоҳлар