17 июль куни Чилонзор туманида жойлашган олий таълим муассасаларининг бирининг талабаси ҳисобланган 25 ёшли Б. О. 29 ёшли С. А.га ўзини жиноят қидирув ходими деб таништирган.
Шундан сўнг, у фуқарони ўғирланган буюмларни сотиб олганликда айблаб, содир этган жинояти учун «кўз юмишини» ва жиноий жавобгарликка тортмаслиги учун 100 АҚШ доллари сўраган, деб хабар бермоқда Тошкент шаҳар ИИББ.
Б. О. Чилонзор тумани Муқимий кўчасида талаб қилинган пулни олаётган вақтида қўлга олинган.
Ушбу ҳолат бўйича Ўзбекистон Республикаси Жиноят кодексининг 168-моддаси (“Фирибгарлик”) билан жиноий иш қўзғатилган.