Қўшимча дам олиш кунлари президентнинг “2019 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги фармонида кўзда тутилган.
Ҳужжатга кўра, ҳафтада 5 кун ишлайдиган фуқаролар 31 августдан 3 сентябрга қадар дам олади. Ҳафтасига 6 кун ишлайдиган ўзбекистонликлар эса 1 сентябрдан 3 сентябрга қадар дам олишади.
Дам олиш кунлари қўшимча ишланмайдиган кунлар (31 август) ва 7 сентябрдаги (шанба) дам олиш кунини 3 сентябрга кўчириш ҳисобига ташкил этилади.