Общество

Портлатилган ҳаракатдаги поезд қисқа фурсатда бартараф этилди – фото ва видео

Халқаро аҳамиятга эга М-39 йўлидаги Зарафшон автомобиль ва темирйўл кўпригида илк бор Ўзбекистон Қуролли Кучлари куч тузилмалари ҳамкорлигида уч босқичдаги махсус ўқув машғулотлари ташкил этилди.

Портлатилган ҳаракатдаги поезд қисқа фурсатда бартараф этилди – фото ва видео
Фото:ЎзА

Халқаро аҳамиятга эга М-39 йўлидаги Зарафшон автомобиль ва темирйўл кўпригида илк бор Самарқанд шаҳридаги Қуролли Кучлар куч тузилмалари ҳамкорлигида кенг миқёсдаги тунги ва кундузги ўқув машғулотлари ўтказилди. Бу ҳақда ЎзА Марказий ҳарбий округ матбуот хизмати хабарига таяниб маълум қилди.

 

Марказий ҳарбий округи қўшинлари қўмондонининг моддий-техник таъминот бўйича ўринбосари раҳбарлигида ўтган уч босқичдаги махсус ўқув машғулотларнинг биринчи куни Зарафшон темирйўли кўприги яқинида 300 метр масофада ҳаракатдаги поезд шартли равишда портлатилди.

 

“Зарафшон-Жомбой” йўналишида 3711 километр ПК-9 нуқтасидаги жуфт йўлда тунги соат 02:30 да содир бўлган ҳолатни ўрганиш ва тезкор чоралар кўриш мақсадида, Ички ишлар вазирлиги ва Фавқулодда вазиятлар вазирлигининг тезкор гуруҳлари етиб келди.

 photo_2019-08-11_21-35-31.jpg

Қисқа фурсатда хавф бартараф этилди. Издан чиққан вагонни рельсга қўйиш учун 350 тоннали кран ишга тушди. Ёнғин ўчирилди. Ярадорлар қутқарилиб, жой яна бир бор махсус кўрикдан ўтказилди.

 

Ўқув машғулотнинг иккинчи босқичида тегишли Кучишлатар тузилмаларнинг тезкор бўлинмалари зиммасига М-39 йўлидаги Зарафшон автомобиль кўпригига ўрнатилган минани зарарсизлантириш ҳамда йўқ қилиш вазифаси юклатилди.

photo_2019-08-11_21-35-10.jpg

Дастлаб, минани ўрнатган шахслар жойлашган объект аниқланиб, уларни қўлга олиш бўйича йиғма махсус гуруҳ тузилди.

photo_2019-08-11_22-05-56.jpg

photo_2019-08-11_22-05-47.jpg

Юздан ортиқ хавфли миналарни зарарсизлантирган Ички ишлар вазирлиги махсус операцияларни мувофиқлаштириш бошқармаси отряд командири ўринбосари, “Жасорат” медали соҳиби, подполковник Жонибек Нуримов “Телегроп” русумли роботи ёрдамида миналарни музлатиб қўйди. Яъни робот машина орқали портловчи воситанинг ишчи ҳолати тўхтатилиб, йўқ қилинди.

 

Ушбу ўқув машғулотларнинг учинчи босқичи Самарқанд ҳарбий ҳаракатлар бўлими томонидан ўтказилиб, ҳарбий техникаларни ва моддий воситаларни темирйўл поездига юклаш ва ташиш каби тадбирларини ўз ичига олди, дейилади мазкур хабарда.

 

Коронавирус Covid-19 Ўзбекистонда
Юқтирганлар3874(+31)
Соғайганлар3084(+70)
Вафот этганлар16(+0)
Коронавирус Covid-19 Ўзбекистонда
Юқтирганлар3874(+31)
Соғайганлар3084(+70)
Вафот этганлар16(+0)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ