21 июль куни Андижон шаҳрида уч нафар кишининг ўртасида бир нафар эркакнинг ўлимига сабаб бўлган жанжал содир бўлган. Бу ҳақда ИИВ жамоатчилик ва ОАВ билан алоқалар бошқармаси хабар бермоқда.
20 ёшли А.Ҳ. ва 18 ёшли А.С.лар ўзаро жанжал туфайли 23 ёшли А.Ж. танасининг турли жойларига қўллари билан урган вақтларида у боши билан ерга йиқилиб жароҳат олган.
Натижада А.Ж. касалхонага ётқизилган ва кўрсатилган тиббий муолажаларга қарамай вафот этган.
Ҳолат юзасидан жиноят иши қўзғатилиб, А.Ҳ. ва А.С.лар ушланганлар. Тергов ҳаракатлари олиб борилмоқда.