Бугун, соат 12:05да Жиззах шаҳри, Наврўз маҳалласи ҳудудидаги “Истиқлол” болалар боғида “Учар ликопча” атракциони синиб кетган. Бу ҳақда Жиззах вилояти ҳокимлиги хабар бермоқда.
Ҳодиса натижасида Жиззах вилояти, Шароф Рашидов тумани, Сўлоқли маҳалласида яшаган 1999 йилда туғилган М.Ҳ. ҳаётдан кўз юмган. Унинг вафотига ерга йиқилиш натижасида олинган тан жароҳати сабаб бўлган, дейилади хабарда.
Мазкур ҳолат бўйича суриштирув Жиззах шаҳар прокуратураси томонидан олиб борилмоқда.