Тошкент шаҳрининг Сергели туманида алдов йўли билан синглисининг уйини ўзининг номига расмийлаштириб олган 46 ёшли эркак қўлга олинди. Бу ҳақда ИИВнинг хабарида айтилмоқда.
Сергели туман ИИО ФМБга тушган ҳужжатларга кўра, ўтган йилнинг январь ойида фуқаро С.Р. синглиси 34 ёшли А.Р.нинг уйини унинг имзосини қалбакилаштирган ҳолда ўзининг номига расмийлаштириб олгани маълум бўлди.
Кейинчалик С.Р. хонадонни 33 000 АҚШ доллари эвазига С.П.га сотиб юборганлиги ва пулларини ўз эҳтиёжлари учун ишлатиб юборганлиги аниқланган.
Фуқаро С.Р. қўлга олинган. Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.