8 июнь куни Тошкент вилоятининг Қуйичирчиқ туманида 41 ёшли К.К. Бешкек маҳалласида “Коллектор” канали устига ўрнатилган кўприк устида ўзаро жанжал оқибатида 61 ёшли амакиси А.К.ни итариб юборди, дейилади ИИВ хабарида.
Натижада А.К. кўприк устидан пастга йиқилиб тушиб жароҳат олган. Жабрланувчи касалхонага ётқизилган ва кўрсатилган тиббий муолажаларга қарамай 9 июнь куни вафот этган.
К.К. ушланган. Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.