Ҳодисалар

“Makro” супермаркетида ёнғин содир бўлди

Ёнғин мажмуадаги музлатгичнинг электр симларидаги қисқа туташув натижасида содир бўлган. Жабрланганлар йўқ.

“Makro” супермаркетида ёнғин содир бўлди
Фото:Потребитель.уз

16 май куни соат 04:00да Тошкент вилояти Янгийўл шаҳри, Самарқанд кўчасида жойлашган “Darvoza Savdo” МЧЖга қарашли “Makro” савдо мажмуасида ёнғин содир бўлаётганлиги ҳақида шаҳар ёнғин хавфсизлиги бўлимининг диспетчерлик хизматига хабар келиб тушган , дейилади давлат ёнғин хавфсизлиги хизмати хабарида.

 

Воқеа жойига 5та ёнғин ўчириш экипажлари жалб этилган. Ёнғин ўчириш бўлинмалари воқеа жойига соат 04:03да етиб борган. Ёнғин соат 04:19да тўлиқ бартараф этилган. Натижада ёнғиндан мажмуанинг 750 кв.метр майдони сақлаб қолинган.

 

Ёнғин оқибатида мажмуанинг 1-қаватидаги 30 кв.метр майдонда савдо растаси ва 3 дона музлатгич ёниб зарарланган. Ёнғиннинг тахминий сабаби мажмуадаги музлатгичнинг электр симларида қисқа туташув содир бўлганлиги. Моддий зарар миқдори аниқланмоқда.

фикрлар
Мавзу бўйича қизиқарли ва маъноли фикрлар қабул қилинади.
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ