Ҳодисалар

Самарқандда қотиллик: «Дамас»да беш кишилик оиланинг жасади топилди

Вафот этганларнинг орасида 3 нафар бола бор. Энг кичиги 15 ёшда бўлган. Воқеа жойига зудлик билан Бош прокурорнинг биринчи ўринбосари ва Бош прокуратура ўта оғир жиноятларни тергов қилиш бошқармаси бошлиғи етиб борган.

Самарқандда қотиллик: «Дамас»да беш кишилик оиланинг жасади топилди
Фото:Google карта

15 май куни Самарқанд вилояти Қўшработ туманида «Дамас»нинг ўрта ва орқа ўриндиқларидан беш кишининг жасадлари топилган. Бу ҳақда Бош прокуратура хабар бермоқда.

 

Вафот этганлар бир оиладан бўлишган: фермер хўжалиги ишчиси А.Х. (1969 й.т.), унинг турмуш ўртоғи, уй бекаси З.Х. (1974 й.т.), ўғиллари Ж.И. (1998 й.т.), А.И. (2002 й.т.) ва О.И. (2004 й.т.). Мурдалар бош ва юз соҳаларида оғир тан жароҳатлари билан топилган.

 

Воқеа жойига зудлик билан Бош прокурорнинг биринчи ўринбосари, Бош прокуратура ўта оғир жиноятларни тергов қилиш бошқармаси бошлиғи, вилоят прокурори, вилоят ички ишлар бошқармаси бошлиғи ҳамда тезкор-тергов гуруҳи аъзолари борган.

 

Мазкур ҳолат юзасидан шу куннинг ўзида Иштихон туман прокуратураси томонидан Ўзбекистон Республикаси Жиноят кодексининг 97-моддаси 2-қисми «а» банди билан жиноят иши қўзғатилган.

 

Ҳозирда мазкур мудҳиш жиноятни фош этиш учун барча зарурий тезкор-қидирув ва тергов ҳаракатлари тун-у кун амалга оширилмоқда.

 

Терговнинг бориши устидан Бош прокурорнинг алоҳида назорати ўрнатилди.

фикрлар
Мавзу бўйича қизиқарли ва маъноли фикрлар қабул қилинади.
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ