Жамият

Президент йўловчи ташишда сифат ва хавфсизликни таъминлаш бўйича кўрсатмалар берди

Шавкат Мирзиёев 10 май куни Чилонзор туманидаги «Тошкент» автовокзалида амалга оширилган ишлар билан танишди.

Президент йўловчи ташишда сифат ва хавфсизликни таъминлаш бўйича кўрсатмалар берди
Фото:president.uz

Давлатимиз раҳбарининг 2017 йил 10 январдаги қарорига мувофиқ Чилонзор туманидаги «Тошкент» автовокзали реконструкция қилинди. Вокзал энг илғор технологиялар билан жиҳозланган. Диспетчерлик хизмати, чиптахона, кутиш зали ва VIP залда йўловчилар учун замонавий шарт-шароитлар яратилган.

 

Меҳмонхона, она ва бола ҳамда тиббиёт хоналари, савдо дўконлари, аёллар ва эркаклар учун алоҳида намозхона, барлар ташкил этилган.

 

Вокзал энг илғор технологиялар билан жиҳозланган. Диспетчерлик хизмати, чиптахона, кутиш зали ва VIP залда йўловчилар учун замонавий шарт-шароитлар яратилган. Меҳмонхона, она ва бола ҳамда тиббиёт хоналари, савдо дўконлари, аёллар ва эркаклар учун алоҳида намозхона, барлар ташкил этилган. 31 та перрон, 80 та автобус учун жой мавжуд.

 

Бугунги кунда Тошкентдан Янгиер, Зомин, Самарканд, Зарафшон, Каттақўрғон, Хатирчи, Учқудуқ, Термиз, Денов, Бухоро, Қоракўл ва бошқа йўналишлар бўйича кунига 10 дан ортиқ маҳаллий рейслар амалга оширилмоқда. Бундан ташқари, автовокзалдан 12 та халқаро йўналиш бўйича хизмат кўрсатилмоқда.

 

Бундан ташқари, йўловчи ташиш тизимидаги муаммолар ва уларни бартараф этиш механизмлари, халқаро ва шаҳарлараро автобус йўналишлари, автовокзал ҳамда автостанцияларни ривожлантиришга оид режалар тақдимоти ўтказилди.

 

Давлатимиз раҳбари ҳар қандай об-ҳаво шароитида йўловчиларга юқори даражада хизмат кўрсатиш, қатновларда фуқаролар хавфсизлигини таъминлаш, нархларни арзон қилиш, ҳайдовчи ва вокзал хизматчилари малакасини ошириш бўйича кўрсатмалар берган.

фикрлар
Мавзу бўйича қизиқарли ва маъноли фикрлар қабул қилинади.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ